Ásgeir Björnsson

Það er ýmislegt undarlegt sem ég hef fundið hér í borginni. Eða kanski ekki undarlegt, en eitthvað sem maður á ekki að venjast heima á Íslandi. Ég fór á rúntinn í dag og tók nokkrar myndir af því sem ég hef aldrei séð áður á Íslandi.

• Maggi búðin
  
  Já, þetta er víst súpubúðin. Fór nú ekki inn, en ég held þetta sé samt meira blanda af veitingahúsi með áherslu á súpur og kanski smá búð með vörum þeirra.
• Dalur
  
  Þetta er stór verslunargata. Nafnið á henni þýðist “Dalur” á íslensku. Ég hef reyndar ekki komið á Eskifjörð, en ég hef nú ekki séð þetta götuheiti annars staðar
• Fína klósettið
  
  Það eru reyndar ókeypis almenningsklósett á lestarstöðinni, en þarna er hægt að borga 1,1 evrur fyrir að fara á extra hreint klósett.
• Franskar í postulíni
  
  Svona líta þær út, franskarnar sem Andra Tý langar svo mikið í.
• Nuddstólar
  
  2 evrur í raufina og þú færð 10 mínútur af unaðs-baknuddi. Þessir eru í verslanamiðstöðinni en ég sá þá líka á náttúrufræðisafninu.
• Útikaffihús
  
  Væri þetta ekki bara fokið á Laugarveginum í mars?
• 7 hæða útivistarbúð
  
  Sú allra stærsta sem ég hef séð. Hagkaup í Holtagörðum útivistarverslananna. 7 hæðir af öllu sem tengist útivist. Ef ég vinn milljón í lottói ætla ég að fara þangað.
• Vegvísir að veitingahúsum
  
  Ég minnist þess ekki að hafa séð skilti sem bendir á Argentínu eða Bæjarins bestu eða eitthvað álíka..?

Svo er það allra síðasta, en ég þorði ekki að taka mynd af því. Ég kýs að kalla það “atvinnu rónanna”. Það hafa nú allir séð fólk gramsa í ruslatunnum að leita að flöskum til að selja, meiraðsegja á Íslandi líka. Sumir hérna eru samt með vasaljós á sér til þess að sjá betur ofaní tunnurnar svo það fari nú ekkert framhjá þeim

Fyrir ykkur sem nenntuð að lesa þetta allt, þá eru hérna smá tipps um hvernig má spara smá tíma í lífinu:

• waitless.org

Mesta snilldin finnst mér þetta hvernig má fljótskræla soðið egg. Verð að prófa það einhverntíman