Ásgeir Björnsson

… stóð ekki á neinum skiltum þegar ég steig útúr flugvélinni. Steikurnar á flugvellinum voru líka óvenjulega dýrar, kostuðu 220 í staðinn fyrir einungis 20. Helsta ástæðan er sennilega að ég er ekki lengur í Þýskalandi heldur kominn til Danmerkur þar sem menn brúka dönsku krónuna en ekki evruna. Vaknaði klukkan 10 í gærmorgun og fattaði að ég átti eftir að klára að pakka, fá mér morgunmat og vera kominn útúr herberginu kl. 11. Flýtti mér einsog ég gat, því ég hafði ekki hugmynd um hvort ég þyrfti að borga extra ef ég færi fram yfir tímann og ekki hafði ég nú efni á því að borga eitthvað extra. Eftir tvo mánuði átti ég rétt nægan pening eftir fyrir lestarferðinni útá völl og mögulega að fá mér eitthvað að borða útá vellinum meðan ég beið eftir flugvélinni sem kom 5 tímum eftir að ég mætti á staðinn. Hafði nú samt nóg að gera, margt að skoða, lesa sögu Hringadróttins, spila hernaðarkænskuleiki og hlusta á tónlist. Síðan tók við miður skemmtileg flugferð. Eini vegurinn sem hún var ekki góð er hvað ég þoli ekki að hjá öllum öðrum flugfélögum en Icelandair kostar allur matur og það ekkert ódýrt. Hlakka eiginlega til matarins í vélinni heim til Íslands. Fékk samt heimaeldaða pizzu í gær sem var frábær og svo upphitað pasta núna, svo ég er að fýla það í botn að fá eitthvað annað en skyndibita

Er núna að njóta tveggja daga páskafrísins míns Reyndar treður ein helgi sér þarna inná milli þessara daga. Síðan eru ekki nema fjórir skóladagar eftir, og á tvemur þeirra eru próf. Það er semsagt svona B1-próf í næstu viku og það semsagt gildir (held ég) sem skírteini uppá það að maður kunni nógu mikið í þýsku til að læra hérna í háskóla. Hef nú ekki miklar áhyggjur af þessu þar sem líf mitt veltur ekki á þessu einsog hjá sumum öðrum í bekknum sem ætla sér að læra hérna í haust.

En fyrir nokkrum árum sá ég frétt um að það væri komin ný útgáfa af Monopoly spilinu vinsæla. Þessi var nútímaleg með plastkortum og “bankareiknivél” í stað pappírspeninga. Fylgdi reyndar með fréttinni að þessi útgáfa væri til að byrja með gefin út í Þýskalandi. Þegar ég fór í eina dótabúð hérna um daginn þá mundi ég eftir þessu og ákvað að leita. Vitiði bara hvað, ég fann svona debetkorta-Monopoly En það eru tvö vandamál. Annað (sem er svosem í sjálfu sér ekkert vandamál) er að ég fann þetta bara í einhverji Simpsons útgáfu, semsagt eru kallarnir og göturnar og allt úr Simpsons. Kanski skemmtilegt að spila, en gefur ekki sama fýlinginn og venjulega útgáfan. Hitt vandamálið, sem er raunverulega vandamálið, er að þetta er náttúrulega á þýsku (einsog allt hérna). Eini vinur minn sem ég man eftir að skilji þokkalega þýsku er Rakel, en svo eru einnig örfáir sem kunna að segja Ich heisse og ekki mikið meira. Ætli það yrði þá ekki sennilega bara þannig að ég myndi bara að spila við sjálfan mig þar sem enginn annar skildi neitt í þessu og nennti að spila við mig.. :/ vandamál vandamál!

Legoland á morgun vonandi ef veðrið verður ágætt..

Það er víst líf á Mars!

Byrjum á formála. Ég á núna tvær vikur eftir hérna í Þýskalandi og þar með tvær vikur í skólanum, sem eru þó báðar skertar vegna páskafrís. Einmitt þessar tvær vikur er aðalkennarinn minn í fríi. Í þessari viku voru svo tveir bekkjarfélagar að hætta, tveir í næstu og svo erum við fjögur eða fimm sem hættum í vikunni þar á eftir.
Komum okkur svo að efninu. Eftir skóla í gær fórum við semsagt í smá kveðju”partý” á Hofbräuhaus. Við fengum okkur að borða og drekka og bara gaman og læti og svona skemmtilegt. En þar sem ég á í miklum vandræðum með herbergið mitt sef ég ekki voðalega mikið á næturnar, yfirleitt vaknaður svona um 6 leitið þegar morguntraffíkin treður háfaða inn um hripleka svalarhurðina mína. Þar af leiðandi var ég þreyttur þegar leið mín lá heim eftir þennan hitting. Ég ákveð að leggja mig stundarkorn fyrir kvöldmatinn, eins og ég hef oft áður gert. Ætla síðan að vakna til að fá mér kvöldmat og klára heimanámið og kíkja í tölvuna. Leggst upp í rúm um sjöleitið og sofna værum svefni. Nokkru síðar vakna ég aftur og það fyrsta sem ég hugsa er “hvah, skóli strax?? hvað er eiginlega klukkan?”. Lít á síma á þá er hún bara EITT UM NÓTT! Þá var þessi stutta kría mín sex tíma löng og ég glaðvakandi um miðja nótt og get ekkert sofnað, því ég var alveg búinn að sofa úr mér þreytuna. Þá fór ég bara að horfa á sjónvarpið og lesa Hringadróttinssögu og svona. Er síðan aftur farinn að geyspa um fjögur leitið og næ þá loksins að sofna aftur.

Lenti í smá vandræðalegu atviki áðan. Var að fara niðrí bæ að fá mér að borða og labba útá lestastöð. Er að hlusta á Olsen Olsen (lag með Sigurrós, að sjálfsögðu) á ipodinum og er svona að raula með. Síðan kem ég á stöðina og þar er enginn, en ég sé einhverja stelpu labba á göngustígnum fyrir aftan mig, hinu megin við götuna. Á ákveðnum parti í laginu er ég í svo miklum fíling að ég tek að syngja af fullum krafti með en í miðri línu sný ég mér til hægri. Stendur þá ekki þessi stelpa við hliðina á mér, ég að syngja á fullu og krossbregður þegar ég sé hana Ég lýt bara undan, mjög vandræðalegur, en held samt áfram að syngja með, bara aðeins lægra, svona svo ég líti ekki algjörlega út einsog fáviti. Hún var samt bara ósköp venjuleg á svipinn, reyndar líka með ipod í eyrunum, svo vonandi hefur hún ekki heyrt voðalega mikið af þessu

Þá hugsa margir “wtf? er ég á réttu bloggi, ekki er hann Ásgeir náttúrufræðingur að skoða listaverk og menningu í metróborgum Evrópu??”. En jú, þetta var sko nefninlega svona náttúrufræðisafn Þetta var í fáránlega stóru húsi, ég var sko sirka fimm tíma þarna inni og náði ekki að skoða allt. Þarna eru sýningar um stjörnufræði, efnafræði, eðlisfræði, líffræði, lyfjafræði, flugvélar, geimferðir, prentsöguna, gler og glergerð, keramik, pappír, vatnsaflsfræði, brúargerð, tölvur, rafmagn, segulsvið, námur, olíu og jarðgös, málma, samskipti, stórvirkar vinnuvélar og bara allt þarna inná milli. Nokkar myndir á myndasíðunni:

Deutsches museum

Svo fór ég nú líka í klippingu í gær. Fyrirgefðu Andri Týr, en ég var næstumþví hættur að sjá út og sturtuferðirnar tóku 10 mínútum lengur en venjulega afþví það er svo fáránlega leiðinlegt að þurrka svona mikið hár..

Er ég ekki alveg eins og kallinn sem ég sagði ég yrði einsog ef ég færi í klippingu hérna úti? Sjá: http://asgbjo.wordpress.com/2008/02/01/a-morgun/
Veit nú ekki alveg með það.. :/

Komnar myndir úr honum. Fór þangað í gær og átti gott rölt. Skoðaði alls kyns dýr, t.d. ísbjörn, mörgæsir, vilta hesta, pónýhesta, lamadýr, ljón, tígrisdýr, galapagosskjaldbökur, Gaur (já, Gaur.. sjá myndir) og margt fleira skemmtilegt.
Kennarinn sagði mér að hún hefði farið um daginn þegar það var snjór og þá hefðu mörgæsirnar bara verið úti að leika sér, ekki í búrinu heldur meðal fólksins.. Hefði verið til í að sjá það..

Dýragarðsmyndir